Хотин-қизларнинг молиявий саводхонлигини ошириш борасида ҳудудларда тизимли ишлар давом этмоқда
Жорий йилнинг 15-16 апрель кунлари Марказий банк томонидан Қорақалпоғистон Республикасининг Тахиатош, Кегейли, Хужайли туманларида ҳамда Нукус шаҳарида хотин-қизларнинг молиявий саводхонлигини ошириш бўйича тренинг ва давра суҳбатлари ўтказилди
Тренингларда "Аёллар дафтари"га киритилган, тадбиркорликни яқинда бошлаган аёллар, шунингдек, қишлоқ жойларидан кам таъминланган хотин-қизлар иштирок этди. Таълим тадбирлари 18 ёшдан 60 ёшгача бўлган 200 дан ортиқ аёллар қамраб олинди
Молиявий саводхонликнинг асосий йўналишларидан ташқари, тадбиркорликни бошлаётган аёлларга oilakredit.uz веб-сайтининг ишлаш тартиби ва ижобий кредит тарихини шакллантириш учун масъулиятли қарз олишнинг аҳамияти тўғрисида батафсил тушунтирилди
Таълим тадбирлари доирасида банкларнинг мобил иловалари ёрдамида маблағларни тежаш имконияти ҳамда молиявий хавфсизликнинг асосий қоидалари тўғрисидаги мавзулар ҳамда ўз ичига қамраб олди
Марказий банк томонидан республиканинг бошқа ҳудудларидаги мақсадли гуруҳларнинг молиявий саводхонлигини ошириш бўйича таълим тадбирлари доимий равишда олиб борилмоқда
@finlituzb билан молиявий саводхонлигингизни оширинг
Сизга ҳам қизиқ бўлиши мумкин:
Тошкент вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди
Самарқанд вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди
Андижон вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди