Migratsiya agentligi bilan hamkorlikda Navoiy, Buxoro, Qashqadaryo, Sirdaryo, Surxondaryo va Toshkent viloyatida ayollar bilan davra suhbatlari(treninglar) o‘tkazildi.
Ushbu treninglar davomida ishtirokchilarga pul, moliya, tadbirkorlik, omonat, moliyaviy havfsizlik, migrantlar uchun chet eldan to’gri va havfsiz pul yuborish, kredit kabi mavzularda tushuntirishlar olib borildi. Shu bilan birgalikda Migratsiya agentligi tomonidan migratsiyadan qaytganlar uchun yaratilgan imkoniyatlar va ketish oldidan nimalarga e’tibor berish kerakligi atroflicha tushuntirildi. Tadbir qatnashchilaridan tushgan savollarga Markaziy bank va Migratsiya agentligi hodimlari tomonidan javob berildi.
Trening davomida aholidan tumanda yaratilgan imkoniyatlar va bank sohasidagi kamchiliklar haqida fikr olindi va tadbirkorlikni boshlamoqchi bo’lganlarga tijorat banklari tomonidan taqdim etilayotgan kreditlar haqida ma’lumotlar berildi.Uchrashuv davomida O‘zbekiston Respublikasi Markaziy bankining moliyaviy savodxonlik bo‘yicha axborot-ta’lim veb-sayti finlit.uz hamda tijorat banklarining jismoniy shaxslar uchun mo‘ljallangan moliyaviy xizmatlari haqidagi axborot portali bankxizmatlari.uz haqida ma’lumot berildi.
