Navoiy viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

18.05.2023 11:15:21
48
Navoiy viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

Joriy yilning 11-12 may kunlari Markaziy bank tijorat banklari bilan birgalikda Navoiy viloyatining Xatirchi, Konimex va Tomdi tumanlarida xotin-qizlar, yoshlar hamda migrantlar va ularning oila a'zolarining moliyaviy savodxonligini oshirish bo‘yicha davra suhbatlarini tashkil qildi.

Tadbir davomida bank omonatlari orqali jamg‘armalarni shakllantirish, foizlarni hisoblash tartibi, raqamli moliyaviy savodxonlik, moliyaviy xavfsizlikning asosiy qoidalari, ijobiy kredit tarixini shakllantirish uchun mas'uliyatli qarz olishning ahamiyati, shuningdek aholini imtiyozli kreditlash kabi moliyaviy savodxonlikning asosiy yo‘nalishlari interfaol formatda ochib berildi.

140 nafarga yaqin kam ta'minlangan hamda tadbirkorlik faoliyatini yangi boshlayotgan ayollar, 65 nafarga yaqin yoshlar vakillari hamda 55 nafardan ortiq migrantlar va ularning oila a'zolariga kredit tashkilotlari bilan ishlash, iste'molchilar huquqlarini himoya qilish masalalari bo‘yicha amaliy maslahatlar berildi.

Trening ishtirokchilariga bank mahsulotlari bo‘yicha o‘quv yo‘riqnomalari hamda moliyaviy savodxonlikka oid kitoblar tarqatildi.

Markaziy bank mamlakatimizning chekka hududlarida ustuvor maqsadli guruhlarning moliyaviy savodxonligini oshirish bo‘yicha o‘quv-ta'lim tadbirlarini davom ettiradi.

Sizga ham qiziq bo’lishi mumkin:

Toshkent viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

Toshkent viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

Samarqand viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

Samarqand viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

Andijon viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi

Andijon viloyatining chekka hududlarida aholining moliyaviy savodxonligini oshirish bo‘yicha davra suhbatlari o‘tkazildi



Belgilangan matnni tinglash uchun quyidagi tugmani bosing Powered by X