Markaziy bank tomonidan “Moliyaviy savodxonlik asoslari” o‘quv qo‘llanmasini noiqtisodiy yo‘nalishda tahsil oluvchi talabalarga o‘qitish maqsadida respublika bo‘yicha 37 ta oliy o‘quv yurtlari bilan hamkorlik yo‘lga qo‘yildi.
Hamkorlik doirasida Oliy ta’lim, fan va innovatsiyalar vazirligining tavsiyasi bilan 2024/2025 o‘quv yilidan boshlab qo‘llanma oliy ta’lim muassasalarining o‘quv jarayoniga kiritilmoqda
Shu bilan birga, Qoraqalpog‘iston Respublikasi, 12 ta viloyat va Toshkent shahrida “Moliyaviy savodxonlik asoslari”ni o‘qitishga mas’ul bo‘lgan 81 nafar professor-o‘qituvchilar uchun Markaziy bank tomonidan onlayn va oflayn treninglar o‘tkazildi. Unda ishtirokchilar o‘zlarini qiziqtirgan savollarga Markaziy bank mutaxassislaridan javoblar oldilar
Loyihani amalga oshirish va o‘qitish jarayonida yuzaga kelishi mumkin bo‘lgan savollar bo‘yicha Markaziy bankning doimiy ekspert ko‘magi ko‘rsatilishi belgilab olindi.
Mazkur loyihada ishtirok etishga qiziqish bildirgan oliy ta’lim muassasalari tashabbuslari ma’qullanadi
Aloqa uchun raqamlar: (71) 212-73-56, (71) 212-73-58
