Markaziy bank tomonidan Ijtimoiy himoya milliy agentligining tuman (shahar) “Inson” ijtimoiy xizmatlar markazlari supervayzerlari uchun ikki kunlik o‘quv-dasturi doirasida trening o‘tkazildi.
Mazkur multiplikator loyiha doirasida tayyorlangan bosh trenerlar orqali mahallalarda kompleks ijtimoiy xizmat ko‘rsatuvchi xodimlarni o‘qitish va shu orqali ijtimoiy himoyaga muhtoj aholi qatlamining moliyaviy savodxonligini oshirish va bank xizmatlaridan foydalanish imkoniyatini yanada kengaytirish maqsad qilingan.
Ushbu ikki kunlik o‘quv-dastur doirasida quyidagi mavzularga alohida e'tibor qaratildi, xususan:- pulni to‘g‘ri boshqarish;
- aholini tadbirkorlikka jalb qilish;
- ijobiy kredit tarixini shakllantirishda mas'uliyatli qarz olishning ahamiyati;
- moliyaviy xavfsizlikni ta'minlash, bank kartalari bilan bog‘liq firibgarliklarning oldini olish va ularga qarshi kurashishda “kibergigiena”ni shakllantirish;
- aholi bandligini ta'minlash uchun tijorat banklari tomonidan qo‘llab-quvvatlanayotgan startap loyihalar va raqamli platformalar;
- raqamli moliyaviy savodxonlikni oshirish kabi mavzularda tashkil etildi.
