O‘zbekiston Respublikasi Markaziy banki tashabbusi bilan, tijorat banklari hamda O‘zbekiston Respublikasi Maktabgacha va maktab ta’limi vazirligi bilan hamkorlikda mamlakatning 100 ta maktabida moliyaviy savodxonlikni oshirishga qaratilgan keng ko‘lamli loyiha amalga oshirilmoqda.
Ushbu loyiha doirasida O‘zbekiston Respublikasi Markaziy banki moliyaviy savodxonlik bo‘yicha o‘tkazilgan tanlovning respublika bosqichi finaliga yo‘llanma olgan eng yaxshi 14 nafar o‘qituvchilarni tabriklaydi.
Final bosqichiga o‘tgan ishtirokchilar ro‘yxati bilan quyidagi
havola orqali tanishishingiz mumkin
.
Tanlov finali quyidagicha bo‘lib o‘tadi:
Sana: 2025-yil 25-aprel
Boshlanish vaqti: soat 10:00da
Manzil: Toshkent shahri (Abay ko‘chasi, 4a-uy, Turonbank bosh ofisi)
Final bosqichida har bir ishtirokchiga shaxsiy dars berish tajribasi, uslublari va moliyaviy savodxonlikka oid bilimlarni o‘quvchilarga o‘rgatish bo‘yicha yondashuvlarini namoyish etish imkoniyati beriladi.
Tanlovda faxrli o‘rinlar egallaganlar mukofotlanadi:
- 1-o‘rin – noutbuk
- 2-o‘rin – smartfon
- 3-o‘rin – planshet
Mazkur loyiha nafaqat o‘qituvchilar uchun kasbiy sinov, balki yosh avlodning moliyaviy bilimlarini mustahkamlashga qaratilgan muhim qadamdir.
