Markaziy bank tomonidan tijorat banklari bilan o‘zaro hamkorlik asosida mul'tiplikasion ta'sirdan foydalanish orqali aholining moliyaviy bilimlarini oshirishning institusional mexanizmi yaratilgan.
Markaziy bank va Aloqabankning navbatdagi qo‘shma ta'lim loyihasi aliment oluvchilarning moliyaviy dunyoqarashini yaxshilashga imkon yaratadi. Bunda, hududlarda moliyaviy madaniyatni shakllantirish bo‘yicha aliment oluvchilarga xizmat ko‘rsatuvchi har bir Aloqabank xodimlarining ijtimoiy mas'uliyatini oshirish ko‘zda tutilgan.
Markaziy bank tomonidan mazkur loyihaning ustunlari sifatida quyidagilarga ustuvor ahamiyat berilmoqda:
- moliyaviy savodxonlik bo‘yicha dastur va tarqatma materiallarini muntazam takomillashtirib borish;
- Aloqabank va Majburiy ijro byurolarining hududiy bo‘linmalari xodimlari bilan doimiy aloqani saqlagan holda moliyaviy savodxonlik bo‘yicha malakasini oshirib borish.
Joriy yil 19 avgust kuni loyihaning asosiy mul'tiplikatori sifatida tayyorlangan Aloqabank hududiy filiallarining front-ofis xodimlari bilan uchrashuv o‘tkazildi. Qizg‘in muhokamalarga boy bo‘lgan tadbir davomida ishtirokchilar o‘zlarining kommunikasion va trenerlik mahoratlarini sinovdan o‘tkazish bilan birga loyiha uchun maxsus ishlab chiqilgan materiallar yuzasidan tushunchalar hamda loyihani samarali amalga oshirish bo‘yicha tavsiyalar oldilar.
