Respublikamizning chekka tumanlarida aholining kiberjinoyatlar qurboniga aylanishining oldini olish va ularga qarshi kurashishda “kibergigiyena”ni shakllantirish, banklarga bo‘lgan ishonchini hamda raqamli moliyaviy savodxonligini oshirish bo‘yicha tizimli ishlar davom ettirilmoqda. Markaziy bank tomonidan navbatdagi o‘quv-trening tadbirlari Qashqadaryo viloyatida bo‘lib o‘tdi.
Xususan, viloyatning Dehqonobod, Muborak, Qamashi va Nishon tumanlarida o‘tkazilgan o‘quv mashg‘ulotlarida 181 nafar yoshlar, 222 nafar xotin-qizlar hamda 60 nafar mahalla faollari ishtirok etishdi.
Treninglar davomida Markaziy bank va tijorat banklari mutaxassislari tomonidan aholini tadbirkorlikka jalb qilish, jumladan, o‘zini-o‘zi band qilishda yaratilgan mikromoliyaviy xizmatlarning imkoniyatlari, imtiyozli kreditlash dasturlari, ijobiy kredit tarixini shakllantirishda mas’uliyatli qarz olishning ahamiyati, kredit tashkilotlari bilan o‘zaro hamkorlik, iste’molchilar huquqlarini himoya qilish shuningdek, moliyaviy xavfsizlikning asosiy qoidalari kabi mavzularga alohida e’tibor qaratildi
