Markaziy bankda moliyaviy savodxonlik loyihalarini amalga oshirishda ishtirok etgan faol yoshlarni taqdirlash marosimi bo‘lib o‘tdi.
Yoshlar uchun "Pullaringizni himoya qiling. Kelajagingizni ta’minlang" (Protect your money, secure your future) shiori ostida o‘tkazilgan videoroliklar tanlovi g‘oliblariga qimmatbaho sovg‘alar topshirildi. Tanlovning maqsadi yoshlarni raqamli moliyaviy savodxonlik va moliyaviy xavfsizlik masalalarini o‘rganishga undashdan iborat.
Shuningdek, Markaziy bank va uning hududiy bosh boshqarmalari tomonidan yoshlarning moliyaviy savodxonligini oshirish loyihasini amalga oshirishda noiqtisodiy yo‘nalishdagi oliy o‘quv yurtlaridan faol ishtirok etgan volontyor - talaba yoshlar taqdirlandi va loyiha hamkorlari bo‘lgan oliy o‘quv yurtlarining professor-o‘qituvchilariga minnatdorchilik bildirildi
Volontyor - talaba yoshlarga Markaziy bank sertifikati hamda pul mukofotiga ega kobeydjing kartalari topshirildi, bu esa albatta yoshlarga bank xizmatlaridan kengroq foydalanish uchun o‘ziga xos motivatsiya bo‘lib xizmat qiladi.
Barchaga ishtirok uchun minnatdorchilik bildiramiz!
