Joriy yil 4 may kuni Markaziy bank tomonidan “OSON”, “CLICK”, “Payme” kompaniyalari, shuningdek “Humo” to‘lov tizimi bilan birgalikda “Korzinka”, “Makro”, “Redtag”, “Indenim” chakana savdo kompaniyalari xodimlari uchun raqamli moliyaviy savodxonlik bo‘yicha o‘quv-amaliy trening o‘tkazildi.
Ushbu tadbirdan asosiy maqsad – kontaktsiz to‘lovlarning ishlash tamoyillari to‘g‘risida batafsil ma'lumot berish orqali xodimlar moliyaviy savodxonligini oshirish hamda xizmat ko‘rsatish sohasida moliyaviy madaniyatni shakllantirishdan iborat.
Trening jarayonida to‘lov tashkilotlari ekspertlari tomonidan biznes-qarorlarning funksional imkoniyatlari hamda raqamli moliyaviy mahsulot va xizmatlar mohiyati batafsil yoritib berildi. To‘lov jarayonidagi xatoliklar va mijozga pullarini qaytarish tartibiga alohida e'tibor qaratildi va bevosita kontaktsiz to‘lovlarni amalga oshirishda mijozlarning moliyaviy xavfsizligini ta'minlash bo‘yicha amaliy ko‘rsatmalar berildi.
Tadbir interaktiv shaklda olib borildi – ishtirokchilar o‘zlarini qiziqtirgan savollarga javob olishdi hamda raqamli moliyaviy texnologiyalarni yanada rivojlantirish bo‘yicha o‘z taklif-mulohazalarini bildirishdi.
Quyida trening ma'ruzachilarining taqdimotlari keltirilgan:
- Xalqaro bank kartalari orqali to‘lovlar – Oson kompaniyasi - prezentsiyani yuklab olish
- CLICK PASSdan foydalanish: Xaridor va sotuvchilar uchun afzalliklar – Click kompaniyasi - prezentsiyani yuklab olish
- QR-to‘lov – Payme kompaniyasi - prezentsiyani yuklab olish
- Kontaktsiz to‘lovlar tartibi - «Humo» MBPM - prezentsiyani yuklab olish
