Markaziy bank moliyaviy savodxonlik yo‘nalishida “IT-Park” (“Dasturiy mahsulotlar va axborot texnologiyalari texnologik parki direksiyasi” MChJ) bilan o‘zaro hamkorlik to‘g‘risida Memorandum imzoladi.
Moliyaviy ta'limni rivojlantirish sohasidagi o‘zaro manfaatli hamkorlikni kengaytirish maqsadida imzolangan mazkur Memorandum O‘zbekiston Respublikasida yoshlar va aholining raqamli moliyaviy savodxonligini oshirish bo‘yicha sa'y-harakatlarni birlashtirishga xizmat qiladi.
IT-Park IT-tadbirkorlik, startap ekotizimi, raqamli savodxonlik va IT-madaniyatni rivojlantirish uchun qulay shart-sharoitlar yaratish sohasidagi yetakchi tashkilot sifatida yoshlarning qiziqishini rag‘batlantirish, shuningdek, aholining komp'yuter va raqamli savodxonligini rivojlantirishga xizmat qilmoqda.
Memorandumda aholining raqamli moliyaviy savodxonlik va moliyaviy xizmatlar haqida xabardorlik darajasini quyidagilar orqali oshirish ko‘zda tutilgan:- raqamli texnologiyalar va xizmatlardan xavfsiz hamda samarali foydalanish bo‘yicha onlayn o‘quv materiallarni ishlab chiqish;
- o‘quv kurslar, an'anaviy va onlayn tadbirlar, shu jumladan vebinar, seminar, va davra suhbatlari tashkil etish;
- aholi va tadbirkorlar moliyaviy savodxonligini oshirish ta'lim dasturlari, tadbirlari va loyihalarini amalga
