Bank xizmatlari ommabopligi - jismoniy shaxslar va kichik tadbirkorlik sub’yektlari uchun bank xizmatlaridan birdek foydalanish imkoniyatining mavjudligi
Bankomat - bank kartasi saqlovchisiga o‘z-o‘ziga xizmat ko‘rsatish rejimida naqd puldagi va bajarilgan boshqa operatsiyalar bo‘yicha sliplarni olish, shuningdek bank kartasi orqali asosiy va qo‘shimcha operatsiyalarni amalga oshirish, jumladan mablag‘larni hisobga kiritish va hisobdan chiqarish, bank kartasining balansi va bankdagi hisobvarag‘ qoldig‘i holati to‘g‘risida axborot olish va parollarni o‘zgartirish imkonini beruvchi elektron_mexanik moslama
Bank xizmatlari ko‘rsatish nuqtalari -tijorat banklarining bosh ofislari, ularning filiallari, bank xizmatlari ofislari, o‘z-o‘ziga bank xizmatlari ko‘rsatish markazlari (24/7) hamda ulardan tashqarida joylashgan bankomatlar va o‘z-o‘ziga xizmat ko‘rsatish terminallari (infokiosklar)
O‘z-o‘ziga bank xizmatlari ko‘rsatish markazlari (24/7) - kunu-tun rejimida ishlovchi bitta yoki bir nechta bankomatlar va o‘z-o‘ziga xizmat ko‘rsatish terminallari (infokiosklar) bilan jixozlangan maxsus joy
Bank muassasasi - tijorat bankining bosh ofisi va uning alohida bo‘linmalari (filiallar, bank xizmatlari ofislari, minibanklar)
Harakatsiz hisobvarag‘lar - oxirgi bir yil davomida birorta ham operatsiya (kirim va chikim operatsiyalari) amalga oshirilmagan jismoniy shaxslarning talab qilib olinguncha hisobvaraqlari
Bank tashqarisidagi kassalar - bank muassasalaridan tashqarida joylashgan chakana amaliyotlar kassalari, jamg‘arma kassalar, maxsus kassalar
Katta yoshli aholi - 18 yosh va undan katta fuqarolar (jismoniy shaxslar)
