Аҳолининг молиявий саводхонлигини ошириш бўйича белгиланган вазифаларни бажариш, шунингдек Ўзбекистон Республикасининг халқаро майдондаги ўрнини юксалтириш мақсадида “Умумжаҳон пул ҳафталиги 2020” (Global money week) доирасида қуйидаги тадбирлар ўтказилди:
- Мактаб ўқувчилари ўртасида миллий иншолар танлови.
- Молиявий таълим соҳасидаги энг яхши журналистик иш учун оммавий ахборот воситалари вакиллари ўртасидаги миллий танлов.
- Ёшлар ўртасида видеороликлар миллий танлови.
- Блогерлар ўртасида молиявий саводхонлик мавзусини энг яхши ёритиш бўйича миллий танлов.
- uz онлайн курсини якунлаш бўйича талабалар ўртасида танлов.
- Молиявий хизматлар истеъмолчилари учун “Истеъмолчи эслатмаси” номли махсус брошюра нашри.
- Мактаб ўқувчиларининг тижорат банкларига ташрифлари.
- Болалар учун ўқув тадбирлари.
- “Milliy TV” телеканалида “ЗАКОВАТ” миллий теледастурининг “Умумжаҳон пул ҳафталиги” (Global money week)га бағишланган махсус сони.
- Ёшлар учун “Рақамли Молия” (“Digital Finance”) мавзусида вебинар.
- Ижтимоий тармоқларда “Global Money Week Uzbekistan” расмий саҳифаларини ёритиб бориш.
Ўзбекистонда халқаро кампанияни ташкиллаштириш юзасидан ўтказилган тадбирлар доирасида жами 1 229 143 та аҳоли (шундан, бевосита иштирок этганлар 74 786 та ва билвосита иштирокчилар сони 1 154 357 та), 110 та таълим муассалари (шундан, Тошкент шаҳри бўйича 35 та мактаб, Қорақалпоғистон Республикаси ва 12 та маъмурий марказлар бўйича 75 та мактаб), шунингдек, 3 та болалар уйи қамраб олинди.
Ушбу ташаббус натижасида жами 16 та тижорат банклари, Ёшлар иттифоқи ва Ўзбекистон IT-парки жалб этилди.
Халқаро молия корпорацияси (ХМК) халқаро ҳамкор сифатида иштирок этди. Халқ таълими вазирлиги ва Ўзбекистон Республикаси олий ва ўрта махсус таълим вазирлиги томонидан тадбирларни ташкиллаштиришда амалий ёрдам кўрсатилди.
Тадбирларни ташкил этиш жараёнида мактаб ўқувчилари, ёшлар ва оммавий ахборот воситалари вакиллари каби устувор мақсадли гуруҳлар аниқланди.
#GlobalMoneyWeek2020 #UzbekistanGMW2020 #GMW2020 #financialliteracy #LearnSaveEarn
