Жамоа бўлиб қизиқарли вазифалар ечимини топишни ёқтирасизми?
Ўз билимингиз, стратегик ва мантиқий фикрлаш даражангизни синаб кўрмоқчимисиз?
Унда, жамоангизни шакллантириб, Марказий банкнинг молиявий саводхонлик бўйича кейс-чемпионатида иштирок этинг!
Иштирок этиш учун сиз олий ўқув юрти талабаси бўлишингиз ва 3-5 кишидан иборат жамоа аъзоларини йиғишингиз лозим (жамоа аъзолари турли олий ўқув юртларидан бўлиши мумкин). Жамоангизни 9 апрелгача рўйхатдан ўтказишингиз керак.
Finlit.uz веб-сайтида 10 апрель куни чемпионатда иштирок этувчи жамоалар рўйхати жойлаштирилади.
Биринчи кейс Finlit.uz веб-сайтида 12 апрель куни эълон қилинади.
Жами 16 та кейс октябргача бериб борилади. Ҳар бир жамоа konkurs.cbu@gmail.com электрон почта манзилига кейс эълон қилинган кундан бошлаб 7 кун ичида жавоб юбориши керак.
Барча кейслар бўйича юборилган тўғри ечимлар учун энг кўп балл тўплаган жамоа бош совринга эга бўлади.
Бош соврин: Ўзбекистон Республикаси Марказий банкида 3 ойлик амалиёт
Ушбу ҳавола орқали жамоангизни рўйхатдан ўтказинг. Онлайн ариза жамоа лидери номидан юборилади.
Марказий Банк томонидан “Молиявий саводхонлик бўйича кейс-чемпионат” Қоидалари
Иштирок этиш учун қўшимча материаллар
Кейс-чемпионат бўйича қўшимча маълумот учун:
+998 71 212-73-58
