Мактабларда очиқ дарслар, маҳорат дарслари, ўқувчилар ўртасида молиявий математика тестлари, ўқитувчилар орасида "Энг яхши дарс" танловлари шулар жумласидандир.
Марказий банкниг янги ташаббусларидан бири ҳисобланган “Молиявий саводхонлик тўгараги” лойиҳаси 2024-йилдан республика бўйича 100 та мактабда 5-11-синфлар учун синовдан ўтказилмоқда.
Лойиҳа доирасида Республика таълим маркази билан биргаликда комплекс ўқув методик материаллари ишлаб чиқилди. Ўқув материаллари синф гуруҳлари (5-7-синф, 8-9-синф, 10-11-синф) кесимида ўқувчиларнинг ёшига доир ўзлаштириш қобилиятини инобатга олган ҳолда тузилди.
Улар ўз ичига ўқув қўлланма, ўқитувчилар учун методик қўлланма ва ўқувчилар учун машқ дафтарини қамраб олган.
Тўгарак доирасида қуйидаги муҳим билимлар берилади:
- омонат ва кредит фоизларини ҳисоблаш;
- шахсий инфляция даражасини аниқлаш;
- банк карталаридан хавфсиз фойдаланиш;
- банк хизматларини танлаш ва шартномаларни таҳлил қилиш;
- ижтимоий инжиниринг ва молиявий фирибгарликдан ҳимоя.
Барча ўқув материаллари амалий кейслар ва ҳаётий мисоллар билан бойитилган.
Лойиҳа тижорат банклари кўмагида амалга оширилмоқда.
Тўгарак материалларини олиш учун биз https://t.me/finlituzb билан боғланинг.
