“Ҳудудларда аёллар молиявий саводхонлигини ошириш” лойиҳаси Хоразмда

09.11.2021 11:33:03
412
“Ҳудудларда аёллар молиявий саводхонлигини ошириш” лойиҳаси Хоразмда
Марказий банкнинг ҳудудларда аёллар молиявий саводхонлигини ошириш бўйича тизимли фаолияти давом этмоқда

Жорий йил 2-4 ноябрь кунлари Ўзбекистон Республикаси Марказий банки томонидан Хоразм вилоятининг тўртта туманида аёллар молиявий саводхонлигини ошириш масалалари бўйича давра суҳбати ўтказилди.

Ушбу таълим тадбири давомида Янгибозор, Боғот Хива ва Урганч туманларидан 18 ёшдан 60 ёшгача бўлган 200 дан ортиқ аёллар қамраб олинди.

Тренингларнинг мақсадли аудиториясини “Аёллар дафтари”га киритилган хотин-қизлар, яқинда тадбиркорликни бошлаганлар, шунингдек маҳалла раиси ўринбосарлари бўлган аёллар ташкил этди.

Ўтказилган тренинглар банк омонатлари ёрдамида жамғармалар шакллантириш, кредит маблағларига масъулият билан ёндашиш, ижобий кредит тарихига эга бўлиш, фоизларнинг ҳисобланиш тартиби, рақамли банк маҳсулотлари ва хизматлари ҳамда молиявий хавфсизликни таъминлаш ва молиявий хизматлар истеъмолчиларининг ҳуқуқларини ҳимоя қилиш каби молиявий саводхонлик бўйича назарий ва амалий мавзуларни ўз ичига олди.

Марказий банк республикамизнинг бошқа ҳудудларида ҳам аёлларнинг молиявий саводхонлигини ошириш бўйича таълим тадбирларини ташкил этишни давом эттиради.

@finlituzb билан биргаликда молиявий саводхонлигингизни оширинг!


Сизга ҳам қизиқ бўлиши мумкин:

Тошкент вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди

Тошкент вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди

Самарқанд вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди

Самарқанд вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди

Андижон вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди

Андижон вилоятининг чекка ҳудудларида аҳолининг молиявий саводхонлигини ошириш бўйича давра суҳбатлари ўтказилди



Белгиланган матнни тинглаш учун қуйидаги тугмани босинг Powered by X